भोटेकोशी नदीमे आइल बाढीके कारण सम्पर्कविहीन हुइना पर्यटक संख्या ६४४ पुगल बा । नेपाल पर्यटन बोर्ड पछिल्लो अपडेट सार्वजनिक कर्ती सो जानकारी देहेल बा । बोर्डके अनुसार सबसे ज्यादा  भारतीय पर्यटक १७८ सम्पर्कविहीन बाटै । नेपाली पर्यटक १२७ जाने रहल बाटै ।  अमेरिकी पर्यटक ६५ ओ युक्रेनके ५३ पर्यटक सम्पर्कविहिन रहल तथ्यांक बा ।
मलेसियाके ५१, अष्ट्रेलियाके ३५, बेलायतके ३३ ओ क्यानडाके २५ पर्यटक वेपत्ता रहल तथ्यांक बा  । सिंगापुरके ९, रुसके ८, जर्मनीके ८ ओ लात्भिया, दक्षिण अफ्रिकाके ६÷६ जाने पर्यटक वेपत्ता रहल बोर्ड 
जनाइल बा । बोर्ड ट्राभल एजेन्सी ओ कम्पनीहरूसे तथ्यांक संकलन करल जनैले बा ।