धनगढीः सुदूरपश्चिममे नयाँ उद्यम स्थापना ओ उद्यमशीलता प्रवद्र्धन कर्ना उद्देश्यसे आयोजित ‘सुदूरपश्चिम नवउद्यमी सम्मेलन’ विवादमे परल बाटै । तीनदिने सम्मेलनके अन्तिम दिन पूर्वनिर्धारित कार्यक्रमअनुसार ग्रान्ड फिनासे पिचिङ ओ विजेता घोषणा नैहुइल कैके सहभागी युवा उद्यमीहुक्र आयोजकसँग जवाफ मागल बाटै ।
सुदूरपश्चिम विश्वविद्यालयअन्तर्गत कैलाली बहुमुखी क्याम्पसके इन्क्युबेसन सेन्टरसे आयोजना करल सम्मेलनमे ‘स्थानीय सम्भावनासे लगानीयोग्य उद्यमसम्म’ कना नारासहित युवाहुकन व्यवसाय सञ्चालन, लगानी व्यवस्थापन, बैंकसे ऋण लेना प्रक्रिया ओ ब्याजसम्बन्धी विषयमे जानकारी देहेल रहित ।  सम्मेलनमे सहभागी करिब १५० उद्यमीमध्ये ५१ जाने छनोट कैके लगानीकर्ता, उद्योगी, प्रायोजक ओ अन्य सरोकारवालाके उपस्थितिमे ग्रान्ड फिनालेमा बिजनेस पिच करैना जानकारी देहेल सहभागीहुकनके भनाइ बातिन् ।
तर, अन्तिम दिन छनोट हुइल उद्यमीहुकन पिच कर्ना अवसर नैदेलै ओ नतिजासमेत सार्वजनिक नैकरल कैके सहभागीहुक्र असन्तुष्टि जनाइल बाटै ।  उहाहुक्र छनोटके आधार ओ मापदण्ड, कार्यक्रम व्यवस्थापन ओ सिड फन्ड वितरण प्रक्रियाबारे स्पष्ट जानकारी देहेलाग माग कर्ले बाटै । 
सम्मेलनमे सहभागी जान्वी जोशी पूर्वनिर्धारित कार्यविधिअनुसार अप्नहुकनहे बिजनेस पिच कर्ना अवसर नैदेलै कैके प्रश्न उठाइल बाटै । छनोट प्रक्रिया, ग्रान्ड फिना पिचिङ स्थगित हुइनाके कारण ओ विजेता घोषणा ओ सिड फन्ड वितरणबारे आयोजकहुक्र स्पष्ट पारेपर्ना उहाके माग बा । ‘हम्रे तीन दिनसम्म कार्यक्रमहे समय देली तर अन्त्यमे कार्यविधिमे उल्लेख करल अनुसार हमनहे पिच करे नैदेलै ,’ उहा कलिन् ।
ओस्तके, पी एण्ड एन सप्लायर्सके सञ्चालक ओ सहभागी सुभाष बिष्ट आठ हप्ताके वास्तविक कारोबार, बिजनेस मोडल क्यानभास ओ ४० सेकेन्डके पिचसहित तयारी कैके एलिभेटर राउन्डमे सहभागी हुइल बताइल बाटै । छनोटमे नैपरल नतिजाहे स्वीकार कर्ले से फेन छनोट हुइल सहभागीहुक्र समेत अन्तिम चरणमे पिच कर्ना अवसर नैपैना ओ नतिजा सार्वजनिक नैहोके अन्योल सिर्जना करल उहाके भनाइ बाटिन् ।
कैलाली बहुमुखी क्याम्पसके स्ववियु अध्यक्ष सन्तोष पन्त फेन् सम्मेलनके व्यवस्थापन ओ सञ्चालन प्रक्रियाउपर प्रश्न उठाइल बाटै । पूर्वनिर्धारित कार्यक्रम तालिका कार्यान्वयन नैहुइल, विभिन्न जिल्लासे आइल नवउद्यमी अपेक्षित उपलब्धिबिना फिर्ताहुइपर्ना ओ जुरीसे समीक्षा ओ प्रतिक्रिया नैपाइल उहा बतैल । मेन्टर, संस्थापक ओ लगानीकर्तासँग अन्तरक्रिया कर्ना अवसरसमेत नैपाइल उहाके गुनासो बा । ‘होहल्लाकिल ज्यादा हुइल तर हम्रे सोचल जसीन प्रतिफल नैपैली,’ पन्त कलै । 
उहा छनोट हुइल ५१ उद्यमके छनोट प्रक्रिया पारदर्शी बनेपर्ना ओ उत्कृष्ट १० उद्यमहुकन पाँच–पाँच लाख रुपैयाँ देना कहल विषयमे समेत स्पष्ट जानकारी सार्वजनिक करेपर्ना बताइल बाटै । 
यहा, सम्मेलनके संयोजकसमेत रहल कैलाली बहुमुखी क्याम्पसके सहप्राध्यापक राजेन्द्रबीर चन्द कलै कार्यक्रमहे प्रतिस्पर्धाके रूपमे बुझ्ना नैहुइना बताइल बाटै ।  युवाहुकन नवप्रवर्तन ओ उद्यमशीलताम प्रोत्साहित कर्ती उहाहुकनहे व्यावसायिक अवधारणाहे परिष्कृत कर्ना उद्देश्यले कार्यक्रम सञ्चालन कर्ना सम्मेलन आयोजना करल उहाके भनाइ बा ।
चन्दके अनुसार छनोट हुइल ५१ जाने सहभागीके लाग अब थप ९० दिनके कक्षा सञ्चालन कर्नाबाट । उक्त अवधिमे उद्यम सञ्चालन, व्यवस्थापन ओ नवप्रवर्तनलगायत विषयमे थप ज्ञान ओ सीप प्रदान कर्नाबाट । ९० दिन कार्यक्रम सम्पन्न होके उत्कृष्ट ओ योग्य १० जाने उद्यमी छनोट कर्ना उहा बतैल ।
कार्यक्रम सञ्चालनका लागि सरकार वा अन्य कुनै निकायबाट अनुदान अथवा आर्थिक सहयोग प्राप्त नभएको उल्लेख गर्दै चन्दले युवालाई आफ्नो व्यावसायिक सोच र नवीन अवधारणा अघि बढाउन आवश्यक प्लेटफर्म उपलब्ध गराउनु नै सम्मेलनको मुख्य उद्देश्य रहेको स्पष्ट पारे। उनका अनुसार सहभागी युवालाई बैंक तथा वित्तीय क्षेत्रका विज्ञहरूसँग समन्वय र सहकार्य गर्ने अवसरसमेत प्रदान गरिनेछ। ९० दिने क्याम्प सम्पन्न भएपछि सम्भावना बोकेका उद्यमीलाई लगानीकर्तासँग छलफल तथा अन्तरक्रिया गर्ने वातावरण तयार गरिने उनले बताए।