कञ्चनपुरके पुनर्वास नगरपालिका–५ ‘ग’ गाउँके १८ वर्षीय युवा अशोक रोयलके नेतृत्वमे ‘इगोलाइज पुनर्वास’ अभियान सुरु हूइल बाट । युवाहे सामाजिक काममे सक्रिय बनैती पुनर्वास क्षेत्रके विकास ओ सरसफाइमे योगदान पुगैना उद्देश्यके साथ अभियान सञ्चालन करल बाट ।रोयलहे आपन पहलमे सुरु करल अभियानमार्फत पुनर्वास नगरपालिकाके विभिन्न स्थानमे रहल बिग्रल सडकहे, सार्वजनिक स्थल ओ आसपासके क्षेत्रमे सरसफाइ, सुधार ओ निर्माणसम्बन्धी काम कर्ना योजना आघे सारल बाटै । अभियानहे नगरभित्ररके समस्याहे पहिचान कर्के सम्बन्धित निकायके ध्यानाकर्षण करैना ओ स्थानीय स्तरमे आवश्यक सुधारके लाग पहल कर्ना लक्ष्य लेहल बाट ।
अभियानके नेतृत्वकर्ता रोयलके अनुसार युवाहे सामाजिक कार्यप्रति जागरुक ओ जिम्मेवार बनैती आपन ठाउँके विकासमे सक्रिय सहभागी कराइ लाग अभियानके मुख्य उद्देश्य बाट । युवाहूक्रे चाहलेसे आपन समुदायमे सकारात्मक परिवर्तन लाने सेक्ना सन्देश देके अभियान केन्द्रित रहल उहा बतैलै । पुनर्वासके विभिन्न स्थानमे रहल सडक ओ सार्वजनिक स्थलके अवस्था सुधार कर्ना स्थानीय युवाके सहभागिता बढैना ओ आवश्यकताअनुसार सम्बन्धित स्थानीय निकायसँगे समन्वय कर्ना अभियानके योजना बाट ।
‘इगोलाइज पुनर्वास’ अभियानसे युवाहे जागरुक बनैना के साथ स्थानीय सरकारके ध्यान विकास निर्माण ओ सरसफाइके क्षेत्रमे केन्द्रित कराई सकारात्मक भूमिका खेल्ना अपेक्षा करल बाटै ।