काठमाडौँ ः  चालु वर्षके वैशाख १ गतेसे आज कात्तिक १६ गतेसम्म देशभर सात हजार ६८८ थो विपद्के घटना हुइल बा । 
उक्त घटनामे पर्के ४०२ जनाके मृत्यु हुइल बा कलेसे  १७ जाने अभिन बेपत्ता बाटै  ।
राष्ट्रिय विपद् जोखिम न्यूनीकरण ओ व्यवस्थापन प्राधिकरणके अनुसार सर्पदंश, पहिरो, बाढी, चट्याङ, आगलागी, लेक लग्ना, जनावरके आक्रमण, हिउँपहिरो, हावाहुरी, भारी वर्षा, डुङ्गा पल्टना, वन डढेलो, विस्फोटन, असिना ओ भूकम्पलगायतके विपद्से घटना हुइल बा ।
प्राधिकरणके प्रवक्ता रामबहादुर केसीके अनुसार उक्त अवधिम पहिरोसे एक हजार ७३५, सर्पदंशके एक हजार ६६८, आगलागीके एक हजार ६४१, भारी वर्षाके ५९३, हावाहुरीके ५३७, बाढीसे ४६६, जनावरके आक्रमणसे ४१७ ओ चट्याङसे ३३३ घटना हुइल बाट ।
ओस्तके, वन डढेलोके १९२, लेक लाग्नाके ७९, हिउँपहिरोसे बा , भूकम्पसे नौ, असिनासे चार, डुङ्गा पल्टनासे दुई, विस्फोटनसे एक ओ अन्य पाँच घटना हुइल बा ।
विपद्के घटनामे पर्के सर्पदंशसे ११६, पहिरोसे ७७, बाढीसे ४१, चट्याङसे ३६, आगलागीसे ३२, लेक लाग्के २७, जनावरके आक्रमणसे २३, हिउँपहिरोसे १९, हावाहुरीसे १६, भारी वर्षासे सात, डुङ्गा पलत्के पाँच, वन डढेलोसे एक, विस्फोटनसे एक ओ अन्य घटनामे पाँच जनाके मृत्यु हुइल बा ।
विपद्के घटनामे पर्के हालसम्म दुई हजार ५२९ जाने घाइते हुइल बाटै । कलेसे नौ हजार ८५७ परिवार विस्थापित हुइल प्राधिकरणके तथ्याङ्कमे उल्लेख बा । 
भदौ १० गतेके रसुवाके भोटेकोशीके बाढीसे बिस्तृत क्षति विवरण प्रणालीमे समाविष्ट करेलाग बाँकी रहके यी तथ्याङ्कमे उल्लेख नैकरल प्राधिकरणसे जनाइल बाटै ।