कञ्चनपुरके महेन्द्रनगरस्थित कवर्डहल परिसरमे विसं २०७२ मे क्रिकेट मैदान निर्माण सुरु हुइलेसे फेन अभिन पूरा हुइ नैसेकल हो ।  
महेन्द्रनगरसे राष्ट्रियस्तरमे चर्चित खेलाडी दीपेन्द्रसिंह ऐरीसे दर्जनसे ज्यादा खेलाडी उत्पादन हुइलेसे फेन खेलाडीहुक्र अभिन यहाँ खेल पूर्वाधार हुक्र पाइ नैसेकल हुइत कञ्चनपुर जिल्ला क्रिकेट सङ्घके अध्यक्ष वीरेन्द्रबहादुर चन्द बतैल  ।एक वर्षभित्रर निर्माण पूरा करेपर्ना क्रिकेट मैदान रकम अभावकै कारण एक दशकपार कर्ले से फेन बने नैसेकल उहा बतैल । “निर्माण हुइल यहा विभिन्न समयमे कैके डेढ लाख बजेट एैले से फेन मैदानमे माटी भरानमै ओराइल  ।” अध्यक्ष चन्द कल “यी पटक कल राष्ट्रिय खेलकुद परिषद्हुक्र तीन करोड बजेट विनियोजन कैके ठेक्का आह्वानके प्रक्रियामे बा  ।”
दीपेन्द्रसिंह ऐरी, विनोद भण्डारी, भीम सार्की, सन्दी पजोरा लगायतके खेलाडीहुक्र गृहनगर महेन्द्रनगरमे खेल संरचना बन्ना आशामे वर्षौ कुरेपर्ना बा  । “तीन करोडके ठेक्का होके काम हुइलागल औरे वर्षसे  हमार खेलाडीहुक्र क्रिकेट मैदानमे खेल्ना ओ प्रतियोगिता सञ्चालन करे सेक्ना हुइत ”, अध्यक्ष चन्द कलै, “क्रिकेट मैदानके लाग जिल्ला खेलकुद समितिके गुरुयोजनाअनुसार आघ बढल बाती  ।”
उहा निर्माणाधीन क्रिकेट मैदानके जमिनमे माटी भरानमै रकम खर्च हुइल बतैल । “बजेट आइल होके आबेही  मैदान बनसेक्ने रहे ।” चन्द कलै, “कञ्चनपुरसँगे सुदूरपश्चिममै क्रिकेटके गतिलो पूर्वाधार नैरहल अवस्था बा ।” पछिल्लो समय क्रिकेट प्रतिके आकर्षण बढ्ती रहल बेला सङ्घ ओ प्रदेश सरकारहुक्र ओम्ने लगानी करेपर्ना जिल्ला खेलकुद समितिके अध्यक्ष ज्ञानेन्द्रबहादुर सिंहके भनाइ बा । 
“जारी एनपीएलमे कञ्चनपुरके किल १३ जाने खेलाडी विभिन्न टिमसे खेल्ती बाती । ”, अध्यक्ष सिंह कलै , “हरेक राष्ट्रिय ओ क्रिकेट संस्करणमे हमार खेलाडीके उपस्थितिसे कञ्चनपुर क्रिकेटके प्रतिभावान् खेलाडी जन्मैना जिल्लाके रुपमे परिचित बा कना देखाइत  ।”
उहा कञ्चनपुरमे क्रिकेटलगायत खेल पूर्वाधार निर्माणमे राज्यके प्राथमिकतामे परेपर्ना जोड देलै । “प्रदेश सरकारके लगानीमे बहुउद्देश्यीय कर्वडहल फेन बन्ती बा ।” सिंहले कलै, “बृहत छैटौँ राष्ट्रिय खेलकुद हुँयलमे यहाँ क्रिकेट पिचबाहेक क्रिकेट खेलके औरे संरचना बने सेकल नैहो  ।”