प्रधानमन्त्री वालेन्द्र शाह बाढीसे अत्यधिक प्रभावित नुवाकोटके विदुर ओ आसपासके क्षेत्रम्े स्थलगत निरीक्षण कर्ले बाटै ।
बुधबार बिहान ९ः३० बजे सडकमार्ग हुँइती पूर्वाधार विकासमन्त्री सुनिल लम्सालसहित नुवाकोट प्रस्थान करल प्रधानमन्त्री शाह प्रभावित बस्तीके भौतिक अवस्था ओ बाढीसे हूइल क्षतिके अवलोकन कर्ले रहित ।  निरीक्षणपाछे उहाँ आजीही काठमाडौँ फिर्ता हूइल बाटै ।  काल (बुधबार) रसुवास्थित भोटेकोशी नदीमे आइल बाढीे नदी तटीय क्षेत्रमे भारी क्षति पुगाके प्रधानमन्त्री शाह उद्धार ओ राहत कार्यहे प्रभावकारी बनैना निरन्तर सक्रिय रहल रहित । बाढी  आकसेक्ती कील उच्चस्तरीय बैठक आह्वान कैके मातहतके निकायहे आवश्यक निर्देशन देहेल उहाँ विदुर ओ आसपासके बाढी प्रभावित क्षेत्रके प्रत्यक्ष अवस्थाबारे जानकारी लेहेल बाँटै ।भ्रमणके क्रममे प्रधानमन्त्रीके टोलीहूक्रे बाढीसे हूइल भौतिक क्षतिके स्थलगत अनुगमन कर्नाके साथमे स्थानीय प्रशासन, सुरक्षा निकाय ओ जनप्रतिनिधिसँगे विस्तृत छलफल कर्ले रीहित । 
सो क्रममे प्रधानमन्त्री शाह विस्थापित परिवारहे तत्काल राहत उपलब्ध कराइलाग, अवरुद्ध सडक ओ अन्य पूर्वाधार शीघ्र सञ्चालनमे लन्ना ओ दीर्घकालीन पुनस्र्थापनाके कामहे तीव्रता देना स्थानीय प्रशासन ओ सम्बन्धित निकायहे निर्देशन देहेल बाटै ।