कञ्चनपुरस्थित शुक्लाफाँटा राष्ट्रिय निकुञ्जके मध्यवर्ती क्षेत्रम लम्मा समयसे बस्तीम प्रवेश कैक जनधन ओ बालीनालीम क्षति पुगैती आइल जंगली हात्तीके निगरानीके लाग रेडियो कलर जडान कर्ना प्रक्रिया आघ बढैल बाट । 
राष्ट्रिय निकुञ्ज ओ वन्यजन्तु संरक्षण विभागसे शुक्लाफाँटा राष्ट्रिय निकुञ्ज कार्यालयहुकन रेडियो कलर जडानके कार्य आगे बढैलाग निर्देशन देहेल बाट । हात्तीके आवागमनसम्बन्धी सूचना सङ्कलन कैक मानव–वन्यजन्तु द्वन्द्व न्यूनीकरण करलाग रेडियो कलरके व्यवस्था कर्ना विभागहुक्र अनुरोध कर्ले बाटै । 
रेडियो कलरसे प्राप्त तथ्याङ्कके नियमित अनुगमन ओ विश्लेषण कैक हात्तीके आवागमन ओ बस्तीम प्रवेश करसेक्ना सम्भावित जोखिमके पूर्वानुमान कर्ना विभागके उद्देश्य बा ।
कृषि, वन ओ वातावरणमन्त्री गीता चौधरीे रेडियो कलरसे प्राप्त तथ्याङ्कके नियमित अनुगमन ओ विश्लेषण कैके हात्तीके आवागमन ओ बस्तीमे प्रवेश करे सेक्ना सम्भावित जोखिमके पूर्वानुमान करे सेक्ना बतैल  । यम्नेसे स्थानीय समुदायहुकन समयमै सचेत करैना ओ मानवीय क्षति, बालीनाली ओ भौतिक सम्पत्तिमे हुइना नोक्सानी न्यूनीकरण कर्ना सहयोग पुग्ना उहाँके भनाइ बा ।
मन्त्री चौधरीके अनुसार रेडियो कलर जडान करेबेला निकुञ्जके वरिष्ठ संरक्षण अधिकृतके प्रत्यक्ष सुपरिवेक्षणमे पशु चिकित्सकसहितके प्राविधिक टोलीके समन्वयमे काम कर्ना । हात्तीके सुरक्षाहे प्राथमिकता देती वैज्ञानिक विधिसे रेडियो कलर जडान कर्ना के साथमे ओकर पाछे  नियमित अनुगमनसमेत कर्ना उहाँहुक्र जानकारी देहेल बाट ।