परराष्ट्र मन्त्रालय भोटेकोशी बाढीके कारण हाल ३४ देशके ५९० विदेशी नागरिक बेपत्ता सूचीमे रहल जनैल बाटै । 
बिहीबार मन्त्रालयमे आयोजित नियमित प्रेस ब्रिफिङमे मन्त्रालयके प्रवक्ता लोकबहादुर पौडेल क्षेत्री हालसम्म ३०० से ज्यादा विदेशी नागरिकके उद्धार करल ओ अभीन ३४ देशके ५९० विदेशी नागरिक बेपत्ता सूचीमे रहल जानकारी देल  ।
रसुवाके टिमुरेसे नुवाकोट, धादिङ, चितवन ओ नवलपरासी (पूर्व ओ पश्चिम) सम्म ९ हजार ३ सयसे ज्यादा बढी नेपाली सेनाके जनशक्ति उद्धार ओ खोजमे परिचालित रहल उहा जानकारी देल । उहा भारतीय टनेल उद्धार टोली नेपाली सेनासँगे मिल्के आवश्यक उपकरणसहित खटल ओ चिलिमेतर्फ थप एक्स्काभेटर पठाइलाग लैगिल बतैल  ।

वस्तके लाङटाङतर्फ सेना ओ प्राविधिक टोलीहूक्रे मेसिन प्रयोग कर्के सुरुङके अपस्ट्रिम भागमे छोटी प्वाल खोल्ना सफल हूइल उहा बतैल बाटै  । माथिल्लो त्रिशूली ३ ’ए’ मे चिनियाँ टनेल टोली ओ नेपाली सेनासहित कुल ९३ सदस्यीय संयुक्त टोली थप जनशक्ति ओ उपकरणसहित फिल्डमे खटल समेत मन्त्रालयहूक्रे जनैल बाट । प्रवक्ता पौडेल शवके पहिचानके लाग भारतसे १९ सदस्यीय ओ चीनसे ५ सदस्यीय विशेष फोरेन्सिक टोली कार्यक्षेत्रमे रहल जानकारी देहेल बाटै ।
विपद्पछे भारत, चीन, अमेरिका, बेलायत, जापान, दक्षिण कोरिया, अस्ट्रेलिया, युरोपेली युनियन, विश्व बैंक, एडीबी लगायतके दर्जनौँ मित्रराष्ट्र ओ दातृ निकायहूक्रे ऐक्यबद्धता ओ सहयोग जनैल प्रवक्ता पौडेल बतैल  । उहा केरुङसे १४० जाने नेपालीहूक्रे तातोपानी नाका हुँइती नेपाल फिर्ता हूइना क्रममे रहल ओ चिनियाँ सीमा क्षेत्रतर्फ अभीन करिब १०० नेपाली बेपत्ता रहल जानकारी देल ।