कञ्चनपुरके बेलौरी नगरपालिका ओ लालझाडी गाउँपालिकाके संयुक्त लागत साझेदारीमे सञ्चालनमे रहल वारुण यन्त्र (दमकल)  सञ्चालनमे दुई महिनामै दर्जनौं आगलागीके घटनामे प्रभावकारी रूपमे आगी नियन्त्रण कर्ती भारी जनधनके क्षति हुइना से जोगाइल बाटै । सीमित स्रोतसाधन हूइल स्थानीय तहहूक्रे संयुक्त लगानीमे खरिद करल दमकलहे विपद् व्यवस्थापनमे अन्तरस्थानीय सहकार्यके सफल उदाहरण प्रस्तुत करल बाटै । 
गत आर्थिक वर्षके जेठमे सञ्चालनमे आइल दमकल बेलौरी नगरपालिकाके ४३ लाख ५५ हजार ४५५ रुपैयाँ ओ लालझाडी गाउँपालिकाके २३ लाख ४५ हजार २४५ रुपैयाँ कैके कुल ६७ लाख ७ सय रुपैयााके लागतमे खरिद करल बाट ।  दमकल सञ्चालनके लाग दूनू स्थानीय तहहे ‘अन्तर स्थानीय तह वारुण यन्त्र सञ्चालन ओ व्यवस्थापन कार्यविधि, २०८२’ पारित कर्के संयुक्त रूपमे खरिद प्रक्रिया आघे बढाइल रहै । कार्यविधिअनुसार सञ्चालन, मर्मतसम्भार ओ व्यवस्थापनके लाग छुट्टे कोषसमेत स्थापना करल बाटै ।
बेलौरी नगरपालिकाके विपद् व्यवस्थापन सम्पर्क व्यक्ति अशोक पाण्डेयके अनुसार दमकल सञ्चालनके लाग नयाँ कर्मचारी भर्ना नैकैके स्थानीय तहम कार्यरत जनशक्तिहे  विशेष तालिम देहल बाटै । हाल दुई जना चालक ओ पाँच जना अग्निनियन्त्रक चौबीसै घण्टा तयारी अवस्थामे रहना कैके परिचालन करल बतैल । दमकल सञ्चालनके लाग बेलौरी नगरपालिकाले ६५ प्रतिशत ओ लालझाडी गाउँपालिका ३५ प्रतिशतके दरले कुल ८५ लाख रुपैयाँ बराबरके संयुक्त कोष स्थापना करल बाटै । सोही अनुपातमे सञ्चालन, इन्धन, मर्मतसम्भार ओ अन्य व्यवस्थापन खर्च व्यहोर्ना व्यवस्था करल पाण्डेय जानकारी देहल बाटै ।
लालझाडी गाउँपालिकाके विपद् व्यवस्थापन सम्पर्क व्यक्ति हेमराज उपाध्यायहे संयुक्त लगानीके यी अभ्यासहे विपद् व्यवस्थापनमे स्थानीय तहबीचके सहकार्यहे थप प्रभावकारी बनाइल बतैल । उहाके अनुसार दमकल सञ्चालनमे आके बेलौरी ओ लालझाडीके विभिन्न बस्तीमे हूइल दर्जनौँ आगलागीके घटनामे तत्काल पुग्के आगी नियन्त्रण कर्ना सफल हूइल बाट । यमेसे घर, गोठ, अन्नबाली ओ अन्य सम्पत्तिमे हूइना सम्भावित भारी क्षति न्यूनीकरण हूइल बतैल । उहाके अनुसार यकरआघे आगलागी हुँइबेर पुनर्वास ओ अन्य स्थानसे दमकल एैना आस लागेबेर आगी फैले सेक्ना ओ क्षति बढ्ना अवस्था रहे । आबसे घटनास्थलमे छोटी समयमै दमकल पुग्के आगी नियन्त्रण हइना सहज हूइल बाट ।
बेलौरी–लालझाडीके जनप्रतिनिधिहूके्र फेन विपद् व्यवस्थापनमे संयुक्त लगानीके यी मोडल प्रभावकारी देख्के यी अभ्यास स्थानीय तहबीच स्रोत, साधन ओ जनशक्ति साझेदारी कर्ती विपद् जोखिम न्यूनीकरण करे सेक्ना सफल नमुनाके रूपमे हेरल बताइल बाटै ।