सुदूरपश्चिम प्रदेश प्रहरी कार्यालय, धनगढीके प्रहरी वरिष्ठ उपरीक्षक पदमबहादुर बिष्ट इलाका प्रहरी कार्यालय टीकापुरके अनुगमन तथा निरीक्षण कर्ले बाटै । प्रहरी वरिष्ठ उपरीक्षक विष्ट शनिवार इलाका प्रहरी कार्यालय टीकापुरके अनुगमन तथा निरीक्षण करल रहीट ।
अनुगमनके क्रममे प्रहरी वरिष्ठ उपरीक्षक बिष्ट कार्यालयके विभिन्न शाखाके निरीक्षण कर्टी शाखागत रूपमे सम्पादन हुईटीरहल कामकारबाही, अभिलेख व्यवस्थापन ओ समग्र कार्यसम्पादन अवस्थाकेबारेमे जानकारी लेहल रहिट ।
उहाँ अपराध अनुसन्धान ओ नियन्त्रण, शान्ति–सुरक्षा व्यवस्थापन, प्रहरी परिचालन, मुद्दा ओ उजुरी व्यवस्थापन ओ नागरिकके गुनासो सम्बोधनलगायत विषयमे समेत जानकारी लेहल रहिट ।
निरीक्षणके क्रममे प्रहरी वरिष्ठ उपरीक्षक बिष्ट नागरिकहुकन प्रदान कर्ना प्रहरी सेवाहे थप प्रभावकारी, छिटोछरितो ओ नागरिकमैत्री बनाउना निर्देशन देहल रहिट । उहाँ अपराध नियन्त्रण ओ अनुसन्धानहे प्राथमिकताके साथ आघे बढइना ओ प्रहरी कर्मचारीके उच्च व्यावसायिक अनुशासन कायम कर्टी जिम्मेवारी निर्वाह कर्नासमेत निर्देशन देले बाटै ।
ओस्टके, प्रहरी ओ आम नागरिकबीचके सम्बन्धहे आउर सुदृढ बनैटी नागरिकके विश्वास अभिवृद्धि हुईनामेर कार्यसम्पादन कर्ना उहाँ आवश्यक निर्देशन देले बाटै ।