राष्ट्रिय मानव अधिकार आयोग, सुदूरपश्चिम प्रदेश कार्यालयहे मानव अधिकारसम्बन्धी छैटौँ राष्ट्रिय कार्ययोजना प्रभावकारी कार्यान्वयनके लाग प्रदेशके सब स्थानीय तहहे सक्रिय हुइना आग्रह करले बा  ।
‎आयोगहे स्थानीय तहमे समन्वय समिति गठन कर्के शिक्षा, स्वास्थ्य, खाद्य, आवास, श्रम, महिला ओ बालअधिकार, सामाजिक समावेशीकरण लगायतके क्षेत्रमे कार्ययोजना कार्यान्वयन कर्ना आग्रह कर्ले बा । आयोगके अनुसार कार्ययोजनाहे प्रदेश सरकारहे १२२ ओ स्थानीय तहहे १०१ थो क्रियाकलापमे जिम्मेवार निकायके रूपमे तोकल बा । स्थानीय तहहे योजना, बजेट ओ सेवा प्रवाहहे मानव अधिकारमैत्री बनैना ओ लक्षित ओ पाछे परल समुदायके पहुँच सुनिश्चित करेपर्ना आयोगहे जानकारी बा । आयोगहे कार्ययोजनाके प्रगति नियमित अनुगमन कर्के अर्धवार्षिक ओ वार्षिक प्रतिवेदन तयार कर्ना समेत स्थानीय तहहे आग्रह करल बा । मानव अधिकार संरक्षण प्रवद्र्धनहे नियमित सरकारी कामके हिस्सा बनैना सब तहके गम्भीर बने पर्ना  आयोगके जोड बा ।