कैलाली ओ कञ्चनपुरके विभिन्न स्थानसे भारतसे भन्सार छली कैके लानल सामान बरामद कर्ले बाटै । 
कैलालीके विभिन्न स्थानसे अन्दाजी ७७ हजार रुपैयाँ बराबरके कपडा, प्लास्टिक पोलिथिनलगायतके सामान बुधबार जिल्ला प्रहरी कार्यालय कैलाली ओ मातहतके प्रहरी टोली बेवारिसे अवस्थामे फेला पार्के नियन्त्रणमे लेहेल जनाइल बाटै । 
अस्तेके, कञ्चनपुरके भीमदत्त नगरपालिका–११ गड्डाचौकीसे भारतसे भन्सार छली कर्के लानल अन्दाजी १ लाख ६ हजार ९ सय रुपैयाँ बराबरके पटाका प्रहरीहूक्रे बरामद कर्ले बाटै । इलाका प्रहरी कार्यालय गड्डाचौकीसे खटल प्रहरी टोलीहूक्रे उक्त पटाका बेवारिसे अवस्थामे फेला पाक्रे आवश्यक प्रक्रिया पूरा कैके नियन्त्रणमे लेहेल जनाइल बाटै ।