सुदूरपश्चिमम सात लाख ३२ हजारसे ज्यादा मनै नागरिक स्वास्थ्य बिमा प्रणालीम आबद्ध हूइल बाट ।
स्वास्थ्य बिमा बोर्ड सुदूरपश्चिम कार्यालयके अनुसार गत भदौ मसान्तसम्म सात लाख ३२ हजार ७५२ जान बिमा प्रणालीम जोरल बाट । बोर्डमे सुदूरपश्चिम संयोजक जनकबहादुर साउद बिमा व्यवस्थापन सूचना प्रणालीम प्रविष्ट हूइल तथ्याङ्कअनुसार जिल्लागत रूपम सबसेज्यादा  कैलालीके तीन लाख ६१ हजार ९७९ नागरिकहूक्र बिमा करल जानकारी देल ।
अस्तक, कञ्चनपुरम ८७ हजार ८७, अछामम ६७ हजार ३०८, बझाङम ५२ हजार २११, बाजुराम ४५ हजार ४५४, बैतडीम ३४ हजार २७०, डडेलधुराम ३३ हजार ३७८, डोटीम २७ हजार ८६२ ओ दार्चुलाम २३ हजार २०३ लाभग्राही रहल उहा बतैल । नेपालम स्वास्थ्य बिमा कार्यक्रम नागरिकहूकन सर्वसुलभ ओ गुणस्तरीय स्वास्थ्य सेवा उपलब्ध करैना ओ भारी उपचार खर्चके आर्थिक जोखिम न्यूनीकरण कर्ना एक लोककल्याणकारी सामाजिक सुरक्षा योजनाअन्तर्गत विसं २०७२ चैत २५ से सुरु हूइल बा ।  यिहिह व्यवस्थित सञ्चालन कर्ना स्वास्थ्य बिमा ऐन २०७४ ओ स्वास्थ्य बिमा नियमावली, २०७५ अनुसार स्वास्थ्य बिमा बोर्ड स्थापना हूइल बा । 
संयोजक साउद बिमा योजना नेपालके संविधानके धारा ३५ से आधारभूत स्वास्थ्य सेवाहे निःशुल्क ओ सामाजिक सुरक्षाके हक प्रदान कर्ना संवैधानिक दायित्व कार्यान्वयनके महत्वपूर्ण पक्षके रुपम विस्तार हूइती रहल बताइल बाट  । यकर आर्थिक रूपम कमजोर परिवारके लाग उपचार खर्च व्यवस्थापनम राहत पुगैती रहल उहा बतैल । संविधानके धारा, ५१ (ज) म नागरिकके आधारभूत आवश्यकतासम्बन्धी नीतिअन्तर्गत नागरिकके स्वास्थ्य बिमा सुनिश्चित कर्र्ती स्वास्थ्य उपचारम पहुँचके व्यवस्था मिलैना उल्लेख बा । सोही अनुसार बिमा योजना कार्यान्वयनम बा । 
स्वास्थ्य बिमाम आबद्ध हुइलाग प्रतिपरिवार (पाँच जानेसम्म) तीन हजार ५०० वार्षिक रुपम योगदान तिरेपर्ना ओ पाँच जनासे ज्यादा सदस्य हूइलसे थप सदस्य सात सयके दरले शुल्क लग्ना करल बा । स्वास्थ्य नियमावलीके व्यवस्थाअनुसार हालके सुविधाके थैलीहे दुई गुणासे वृद्धि कर्नाके साथम ७० वर्ष उपरके ज्येष्ठ नागरिक, अतिविपन्न, अपाङ्गता हूइल मनैन ओ कुष्ठरोग÷एचआइभी÷एमडीआर–टिबीके बिरामीहूकनके लाग निःशुल्क बिमाके व्यवस्था बा । सरकारहूक्र यी समूहके मनैनह बिमा प्रिमियम तिर्देना कैके व्यवस्था करल संयोजक साउद बतैल । ओस्तके, सम्पूर्ण सङ्गठित क्षेत्रहे आम्दानीके एक प्रतिशत योगदान कर्ना कैके बिमाम आबद्ध हुइना अनिवार्य व्यवस्था करल उहा जानकारी देल । 
बिमाम आबद्ध होके पाँच सदस्य परिवारसम्मके एकथो परिवारहूक्र एक लाखसम्म ओ सोपश्चात् थप हुइना प्रतिसदस्य २० हजार कैके अधिकतम् दुई लाखसम्मके स्वास्थ्य उपचार सेवा पैना व्यवस्था बा ।  अस्तके, सामाजिक स्वास्थ्य सुरक्षा कार्यक्रमअन्तर्गत बिमा कर्ना कोनो फेन मनैहूक्र तोकल कोनो फेन सरकारी अस्पतालसे ओपिडी सेवा, इमर्जेन्सी, ल्याब उपचार, सामान्य शल्यक्रिया लगायतके उपचार प्राप्त कर्ती आइल बाट ।