स्थानीय तहसे प्रवाह हुइना सेवा प्रभावकारी ओ नागरिकमैत्री बनाइलाग कैलारी गाउँपालिकासे कर्मचारीके लाग तीनदिने क्षमता विकास ओ अभिमुखीकरण तालिम सञ्चालन कर्ले बाटै । धनगढीम सञ्चालन हूइल तालिममे कर्मचारीके कार्यक्षमता, प्रशासनिक कार्यसम्पादन, समन्वय ओ प्रविधिके प्रयोगलगायतके विषयमे प्रशिक्षण देहेल रहित । कैलारी गाउँपालिका अध्यक्ष राज समज चौधरी लगायत जनप्रतिनिधि ओ कर्मचारीहुकनके सहभागितामे सम्पन्न हुइल तालिममे कर्मचारीके कार्यक्षमता अभिवृद्धिसँगे स्थानीय तहके सेवा प्रवाहहे थप प्रभावकारी बनैना अपेक्षा कर्ले बाटै ।
स्थानीय सरकार नागरिकके सबसे ज्यादा लघेक सरकार हो। नागरिकके दैनिक आवश्यकता ओ सेवा सुविधासँगे प्रत्यक्ष जोडगिल स्थानीय तहके प्रभावकारिता कर्मचारीके दक्षता ओ कार्यसम्पादनमे समेत निर्भर रहत ।
तालिममे सहभागी कर्मचारीहुक्रे फेन आपनप्राप्त करल ज्ञान ओ सीपहे कार्यालयके नियमित काममे प्रयोग करे सेक्लेसे फेन सेवा प्रवाहमे सकारात्मक परिवर्तन लाने सेक्जैत कैके बताइल बाटै ।
धनगढीमे सञ्चालन हुइल तालिममे गाउँपालिकामे कार्यरत कर्मचारीहुकनके सहभागिता रहल रहे । तालिममे सेवा प्रवाहमे सुधार, प्रशासनिक जिम्मेवारी, कार्यालय व्यवस्थापन, समन्वय, नागरिकमैत्री व्यवहार ओ प्रविधि ओ प्रयोगलगायतके विषयम छलफल ओ अभिमुखीकरण कर्ले रहित । ६,७ बर्ष सम्म असिन क्षमता अभिवृद्धिके तालिम कभुनैहुइल पालिकाके कर्मचारी बतैल । आर्थिक बर्षके २०८३÷८४ के सुरुवाती क्रमम कैलाली गाउपालिकाके प्रमुख प्रशासकिय अधिकृत दिल बहादुर धामी आपन नेतृत्वमे यि तालीम सक्कु कर्मचारी हुकन देहेलाग कर्मचारी हुक्र बहूत खुसी लागल बा कैके बत्वइल बाटै । तालिमम मूख्य कैके खरित प्रक्रिया अनलाइन बिलिङ उत्प्रेरणादायी व्यबहार तिप्पणी लेखन, कानूनी प्रक्रिया , प्रशासनिक खर्च कर्मचारीहुक्र का कर्ना का निकर्ना कना बाटह तालिमके एकदम प्राथमिकताम रख्ल रल । यी तालीमसे कैलारी गाउपालिकाके कर्मचारी हुकनके काम कर्ना शैलिम एकदम धेर परिबर्तन एैना ओ यी तालिम कर्मचारीनहे देहही पर्ना जरुरी रहल बा कैक बत्वाइल रल ।
तालिममे कर्मचारीबीच अन्तरक्रिया, समूह छलफल ओ अनुभव आदानप्रदानसमेत कर्ले बाटै । सहभागीहुक्रे स्थानीय तहके जिम्मेवारी ओ सेवा क्षेत्र विस्तार हुइती गील कर्मचारीमे नयाँ ज्ञान, सीप ओ प्रविधिके आवश्यकता बढ्ती गील बताइल बाटै ।
जन्मदर्ता, सामाजिक सुरक्षा, सिफारिस, योजना कार्यान्वयनसे विकास निर्माणसम्मके सेवा स्थानीय तहसे प्रदान हुइना होके कर्मचारीके दक्षता ओ जिम्मेवारीपूर्ण कार्यसम्पादनहे महत्वपूर्ण मानल बाटै ।
तीन दिनसम्म सञ्चालन हूइल तालिम सम्पन्न हूइल बा । तालिमसे प्राप्त ज्ञान ओ सीपहे व्यवहारमे लागू करे लाग सेवाग्राहीसे सहज, ओ हलि प्रभावकारी सेवा पैना अपेक्षा कर्ले बाटै ।
दक्ष कर्मचारी, पारदर्शी प्रशासन ओ प्रभावकारी सेवा प्रवाह स्थानीय सरकारप्रतिके नागरिकके विश्वास बढैना महत्वपूर्ण आधार हो । कैलारी गाउँपालिकामे आगामी दिनमे फेन कर्मचारीके आवश्यकता पहिचान कैके क्षमता विकासके कार्यक्रमहे निरन्तरता देना अपेक्षा कर्ले बाटै ।
