हाल देशभर मनसुनी वायुके प्रभाव रहल बाट । मनसुनके न्यून चापीय रेखा सरदर स्थानके आसपास रहल बाट । जल ओ मौसम पूर्वानुमान महाशाखा अबे कोशी ओ लुम्बिनी प्रदेशके सभाग ओ बागमती, गण्डकी, कर्णाली ओ सुदूरपश्चिम प्रदेशके हिमाली एवं पहाडी भागमे साधारणतया बद्री लागल जानकारी देहल बाटै । मधेस प्रदेशके साथे बागमती, गण्डकी ओ सुदूरपश्चिम प्रदेशके तराई क्षेत्रमे आंशिक बदली लागल बाट । कोशी, बागमती, गण्डकी, लुम्बिनी, कर्णाली ओ सुदूरपश्चिम प्रदेशके कूछ स्थानमे हल्कासे मध्यम वर्षा हूइती बाट । 
महाशाखाके अनुसार आज दिनके देशभर साधारणतया बदली रहना बाट हिमाली भागके कूछ स्थानमे मेघगर्जन ओ चट्याङसहित मध्यम वर्षा ओ हिमपातके सम्भावना बाट । पहाडी भागके धेर स्थानमे मध्यम वर्षा हुइसेक्ना बाटैलै । कोशी, लुम्बिनी ओ सुदूरपश्चिम प्रदेशके तराई भेगके कूछ ठाउँमे मधेस, बागमती ओ गण्डकी प्रदेशके तराई क्षेत्रके स्थानमे मेघगर्जन ओ चट्याङसहित मध्यम वर्षाके सम्भावना बाट । कोशी, बागमती ओ गण्डकी प्रदेशके हिमाली ओ पहाडी क्षेत्र, कर्णाली ओ सुदूरपश्चिम प्रदेशके पहाडी एवं लुम्बिनी प्रदेशके पहाडी ओ तराई क्षेत्रके एकदुई स्थानमे भारी वर्षाके सम्भावना रहल  महाशाखा जनाइल बातै ।
वस्तके, आज रात देशभर साधारणतया बदली रहना ओ हिमाली भागके कोनो स्थानमे मेघगर्जन ओ चट्याङसहित मध्यम वर्षाके सँगे हिमपातके फे सम्भावना बाट । मुलुकके पहाडी भागके साथमे बागमती, गण्डकी, लुम्बिनी ओ सुदूरपश्चिम प्रदेशके तराई क्षेत्रके धेर स्थानमे मेघगर्जन ओ चट्याङसहित मध्यम वर्षाके सम्भावना  बाट ।
भारी वर्षाके कारण गेग्रान बहाव, बाढी, पहिरो ओ भूक्षयके जोखिम बढे सेक्ना होके यी क्षेत्रके बासिन्दाहे आवश्यक सावधानी अपनाइना महाशाखा अनुरोध करले बाटै । यम्नेसे दैनिक जनजीवन, कृषि, स्वास्थ्य सेवा, पर्यटन, पर्वतारोहण ओ सडक ओ हवाई यातायात सेवा प्रभावित हुइसेक्ना सम्भाबना होके सतर्कता अपनैना अनुरोध करल बाटै ।