रसुवाके भोटेकोशी बाढीमे पर्के ज्यान गुमाइल एक हजार २५२ जनाके शव फेला परल बा ।
 नेपाल प्रहरीके अनुसार रसुवामे १२७, नुवाकोटमे १७७, धादिङमे ६०, चितवनमे ३५५, गोरखामे ६९, तनहुँमे ३८, नवलपरासी पूर्वमे २१८ ओ नवलपरासी पश्चिम १९० ओ भारतमे भेटाइल १८ कैके एक हजार २५२ जनाके शव फेला पारल बा । भारतके सीमावर्ती क्षेत्रमे फेला परल शव नवलपरासी पश्चिम जिल्लामे बुझाइल बाटै ।
सङ्कलन करलमध्य हालसम्म ९५ शव आफन्तहे हस्तान्तरण करल केन्द्रीय प्रहरी प्रवक्ता अविनारायण काफ्ले जानकारी देलै ।
 फेला परल शवके पहिचानके लाग डिएनए नमुना सङ्कलनसे आवश्यक प्रक्रिया पूराकैके हालसम्म २१३ महिला, ३१४ पुरूष ओ ३७० नैखूलल मे  जम्मा ८९७ थो शव माटीमुनि सुरक्षित रुपमे व्यवस्थापन कर्ले बाटै । 
 पहिचान नैहूइल ९५९ थो शवके विवरण नेपाल प्रहरीके वेबसाइटमे धर्ले बाट । 
 बाढी प्रभावित क्षेत्रमे उद्धार, खोज्के, राहत वितरण, शव व्यवस्थापनके लाग हालसम्म सात हजार ९१२ जाने प्रहरी परिचालन कर्ले बाट । 
हालसम्म बेपत्ता हूइल चार हजार ८७५ जनाके खोजी होइती बा ।  नुवाकोट ओ रसुवालगायत जिल्लामे रहल ‘होल्डिङ सेन्टर’मे तीन हजार १२६ जनाहूक्रे आश्रय लेहेल बाटै ।