अछाममे भालुके आक्रमणसे २० वर्षीय एक युवक घाइते हुइल बाटै । जिल्लाके चौरपाटी गाउँपालिका–६ दुनी सेलपाखाके नबिन आउजी सोमबार साँझके भालुके आक्रमणमे पर्के घाइते हुइल बाटै ।
प्रहरीके अनुसार सोमबार साँझके करिब ६ बजे घर लग्घेके दोगडी खोलामे गोरु चराके घर एैना क्रममे आउजी उपर एक्कासि भालु आक्रमण करल रहित ।  भालुके आक्रमणसे उहाँके कपार, अनुहार ओ पिठ्युँमे चोट लागल बाटीन् । 
घटनापाछे स्थानीयके सहयोगमे घाइते आउजीहे उपचारके लाग बयालपाटा प्रादेशिक अस्पताल  लैगिल रलै । उहाँहे रातके करिब ९ः४० बजे अस्पताल पुगाइल जिल्ला प्रहरी कार्यालय अछामसे जानकारी देहल बाटै । 
जिल्ला प्रहरी कार्यालय अछामके प्रमुख प्रहरी नायब उपरीक्षक पविन्द्र बहादुर बमके अनुसार घाइते आउजीके अवस्था मध्यम रहल बाट । उहाँ बोले सेक्ना अवस्थामे रहल ओ अस्पतालमे उपचार होके रहल बम बताइल बाटै । 
घर लघ्घे गोरु चराके फिर्ता हूइना क्रममे भालुके आक्रमणमे पर्के सेलपाखा क्षेत्रमे स्थानीयवासी त्रसित बनल बाटै । ग्रामीण वस्ती आसपास वन्यजन्तुके गतिविधि देखाइ लागल कारण से स्थानीय थप सतर्क रहे पर्ना अवस्था देखाइल बाट । 
घटनापाछे स्थानीयवासी मानव वस्ती ओ खेतीपातीके क्षेत्रमे वन्यजन्तुके जोखिम बढे सेक्ना कैके सम्बन्धित निकायके ध्यानाकर्षण कर्ले बाटै ।  वन क्षेत्र आसपासके वस्तीमे वन्यजन्तुके गतिविधि बढल अवस्थामे स्थानीय सुरक्षाके लाग आवश्यक सावधानी ओ व्यवस्थापनमे सम्बन्धित निकाय  ध्यान देहे पर्ना देखाइत  ।