धनगढीमे थारू समुदायके मौलिक संस्कृति ओ परम्पराके संरक्षण ओ प्रवद्र्धन कर्ना उद्देश्य यहे वर्ष फेन गुरही असरैना कार्यक्रम २०८३ मे आयोजना हुइल बाट । 
थारू समुदायके मौलिक चाडपर्वमध्ये महत्वपूर्ण मन्ना गुरही पर्वहे संरक्षण, प्रवद्र्धन ओ नयाँ पुस्तामे हस्तान्तरण कर्ना उद्देश्यले धनगढीमे गुरही असरैना कार्यक्रम आयोजना करे लागल बाटै । 
गुरही पर्व थारू समुदायके प्राचीन मौलिक पर्वके रूपमे लेथै । प्रकृति, कृषि ओ मानव जीवनबीचके अन्तरसम्बन्धहे उजागर कर्ना यहे पर्वमे गुरही अर्थात् गाइने किराप्रति सम्मान प्रकट कर्ना परम्परा रहल बाट ।
थारू समुदायमे गुरही किरा हानिकारक किराहोके नियन्त्रण कर्के वातावरणीय ओ जैविक सन्तुलन कायम कर्ना सहयोग कर्ना विश्वास रहल बाट । तबे गुरही पर्वहे वातावरण संरक्षण, जैविक विविधता ओ दिगो कृषि प्रणालीसँगे जोरल सांस्कृतिक अभ्यासके रूपमे समेत लेहेल बाटै ।
गुरही पर्वमे बालबालिकाके सहभागिता विशेष रहना करत । बालिकाहूक्र्रे कपडासे बनाइल गुरही ओ घुघरी लेके गुरही असरैना कर्थै ओ बालकहूक्रे परम्परागत सोंटा लेके सहभागी हुइना चलन बाट । यहे अवसरमे परम्परागत पोशाक, नाचगान ओ सामुदायिक रूपमे प्रसाद वितरण कर्ना कर्थै ।
येहे परम्पराहे नयाँ पुस्तासम्म पुगैना उद्देश्यले धनगढीमे महिला ओ युवाहूक्रे सक्रिय सहभागितामे विभिन्न कार्यक्रम हुँइती आइल बात ।  धनगढीमे गुरही पर्व संस्थागत रूपमे मनैना परम्परा विगतसे  चल्ती आइल बाट । 
कार्यक्रमअन्तर्गत रक्तदान, सरसफाइ, औपचारिक कार्यक्रम, सांस्कृतिक प्रस्तुति ओ गुरही समापन कार्यक्रम आयोजना कर्ना  मूल आयोजक पत्रकार सम्मेलन मार्फत सखी संजाल के अध्यक्ष सानू चौधरी जानकारी देहेल बातीन् । 
प्रेस विज्ञप्तिअनुसार २०८३÷०४÷३१ गते बिहानके ५ बजेसे दिनके १२ बजेसम्म वातचित घरके संयोजनमे वृहत् रक्तदान कार्यक्रम आयोजना हुइना बतैलै ।
वस्तेके सोही दिन साँझ ४ बजेसे ६ः३० बजेसम्म गुरही चोक आसपास के लघे मूल आयोजक समिति ओ युवा सञ्जालके संयुक्त पहलमे सरसफाइ कार्यक्रम सञ्चालन कर्ना बतैलै ।
२०८३÷०५÷०१ गते  गुरही असरैना कार्यक्रमके मुख्य दिनके रूपमे विभिन्न कार्यक्रम आयोजना हुइना बतैलै  । दिनके औपचारिक कार्यक्रम ओ साँझके सांस्कृतिक कार्यक्रम कर्ना । वस्तेके गुरही समापन ओ सरसफाइ कार्यक्रम सञ्चालन कर्ना आयोजक सखि संजाल के अध्यक्ष सानू चौधरी जानकारी देहेल बातिन् ।
कार्यक्रमके मूल नारा “थारू समुदायके मौलिक संस्कृति संरक्षण, प्रवद्र्धन ओ सामाजिक एकताके अभियान” रहल बाट । 
आयोजकके अनुसार कार्यक्रममार्फत थारू समुदायके मौलिक सांस्कृतिक सम्पदाके संरक्षणसँगे नयाँ पुस्ताम्े सांस्कृतिक हस्तान्तरण, सांस्कृतिक पर्यटनके विकास, स्थानीय कला ओ संस्कृतिके प्रवद्र्धन, महिला ओ युवाके सहभागिता ओ सामाजिक सद्भाव अभिवृद्धिमे योगदान पुग्ना अपेक्षा करल बाटै । 
धनगढीमे विगत १७ वर्षसे आयोजना हुँइती आइल गुरही असरैना कार्यक्रमहे यहे वर्ष फेन भव्य ओ सभ्य रूपमे सम्पन्न कर्ना तयारी रहल आयोजक मूल समितिहूक्रे जनाइल बाट । कार्यक्रममे विभिन्न थारू संघसंस्था, महिला समूह, युवा सञ्जाल, कलाकार ओ समुदायके सहभागिता रहना बताइल बाटै ।